23. desember 2009 hélt ég af stað í ferðlag sem mig hafði dreymt um í langan tíma. Þá fór ég frá Íslandi með one way ticket í heimreisu næstu 9 mánuðina. Áfangastaðir munu fara eftir stemmningu, tilviljunum og budgeti.

Hér mun ég halda út stafrænni dagbók.

"Just Do It" - Dan Wieden

Framtíðin

Á leiðinni til baka frá Angkor Wat þá sá ég man sem var að spá fyrir fólki. Ég stoppaði hjólið og byrjaði að spjalla við þessa tvo stráka sem voru að bíða eftir að það væri komið að þeim.

Þessi hægra megin átti afmæli (26 ára) og þeir hofðu gert sér ferð úr bænum til þess að fá að fara til spámannsins. Vildu aðallega vita með hvernig ástarmálin hjá þeim færu.

Ég skellti mér líka til spámannsins og þeir voru túlkarnir mínir þar sem spámaðurinn talaði enga ensku. Gaf honum upp fæðingardag, hann mældi lófann á mér o.s.frv. Svo setti hann upp einhverja formúlu og útfrá vasareikninum gat hann sagt mér allt um framtíð mína. Ég verð mjög hissa ef þetta mun ekki allt fara einsog hann sagði.